رعنائیِ خیال: مختصر نظم

‏مختصر نظم لیبل والی اشاعتیں دکھا رہا ہے۔ سبھی اشاعتیں دکھائیں

زندگی کی فوٹو کے
ایک ایک پِکسَل سے
روشنی تِری جھلکے
اور تُو نہیں تو پھر
اِک سیاہ پردے پر
گمشدہ نشاں ہوں میں
وہم ہُوں، گُماں ہُوں میں

نوید رزاق بٹ

حیرت

ایک بستی تماش بینوں کی

،اک ہجوم

اژدھام لوگوں کا

دیکھ میرے تنِ برہنہ کو

ہنستا ہے

قہقہے لگاتا ہے

اور میں ششدر ہوں

دیکھ کر اُن کو

سب کے سب لوگ ہیں برہنہ تن ۔

محمد احمدؔ

نیا دور، نئے طور

یہ نیا زمانہ ہے

اس نئے زمانے میں

اب وہ سب نہیں ہوتا

وہ جو پہلے ہوتا تھا

پہلے دو فریقوں میں

ایک جھوٹا ہوتا تھا

محمد احمدؔ

کاسنی رنگ کا

وہ جو چھوٹا سا پھول اُس کے بالوں میں ہے

کن خیالوں میں ہے؟

اور آویزے جو

جھلملاتے ہوئے اُس کے کانوں میں ہیں

کن اُڑانوں میں ہیں؟

محمد احمدؔ

دل

بڑا تِیرہ بخت چراغ ہے

کہ تمام عمر جلا مگر

کوئی روشنی بھی نہ پا سکا