[ہفتہ ٴ غزل] ۔ اب نہ بہل سکے گا دل اب نہ دیے جلائیے ۔ احمد مشتاقؔ

غزل 

اب نہ بہل سکے گا دل اب نہ دیے جلائیے
عشق و ہوس ہیں سب فریب آپ سے کیا چھپائیے

اس نے کہا کہ یاد ہیں رنگ طلوع عشق کے
میں نے کہا کہ چھوڑیئے اب انہیں بھول جائیے

کیسے نفیس تھے مکاں ،صاف تھا کتنا آسماں
میں نے کہا کہ وہ سماں آج کہاں سے لائیے

کچھ تو سراغ مل سکے موسم درد ہجر کا
سنگ جمال یار پر نقش کوئی بنائیے

کوئی شرر نہیں بچا پچھلے برس کی راکھ میں
ہم نفسان شعلہ خو آگ نئی جلائیے

احمد مشتاق

کوئی تبصرے نہیں:

ایک تبصرہ شائع کریں